Est mulier linguosa viro pars mortis amare,
Nocte dieque modis mille fatigat eum;
Cum bene prandere, potare, quiescere secum
Optat, tunc illi iurgia seva parat.
Que tibi causa placet, quamvis bona, displicet illi,
Quidquid habes odio, diligit illa nimis;
Dulce coquinatum tu diligis, illa salatum,
Tu volucrum carnes appetis, illa capre,
Equoreos pisces quotiens vis, vult fluviales,
Tu lucem, tenebras illa tenere cupit;
Cum vis ridere, conatur femina flere:
Ridebit quotiens verba dolentis habes.
Non mare turbatum magis expugnare carinam
Fertur, quam mulier litigiosa virum;
Asseritur Iesabel multos mactasse prophetas,
Dalida Sansonem, perfida Scilla patrem;
Omnibus in causis contraria semper habetur,
Eius mantellus flamen ad omne facit.
Cum Venusina cohors teneat te, Fulco, peritum,
Sic tractes factum possit ut esse bonum".
|
|