senatorem:
«Strenuissimo viro domino C. Leonis Rainerii Dei gratia
alme urbis illustri senatori, consules Signini promptum
famulatum cum plenitudine servitii.»
41 Una potestas sic potest aliam salutare:
«Nobili et strenuo viro domino A. Bononie potestati, G.
Faventinorum potestas salutem cum sincere dilectionis
constantia.»
42 Non debet dicere 'Dei gratia' quia potestas terrena non est
multum duratura et debet ponere prenomen si habet:
«Nobili et egregio viro domino A. vicecomiti Mutinensium
potestati, consiliaris et honorabili eiusdem civitatis populo,
D. Bononie potestas, consiliarii cum universo populo salutem
cum perpetue pacis perseverantia.»
43 Si fuerit magnus populus, dicet 'magnifico populo'.
44 Consules civitatum, castrorum, villarum, et burgorum sic se ad
invicem salutant: debent premittere nomina recipientium, nisi
castrum vel villa vel burgus permittent ad mittentium iurisdictionem.
45 Si vero unus consul, debet scribi nomen illius integre:
«Nobilibus viris consulibus Anagninis et honorabili eiusdem
civitatis populo P. Theobaldi consul et universus
populus Signinus salutem et perpetue pacis constantiam»;
vel: «salutem et prosperis successibus habundare»; vel:
« salutem et sincerum amorem.»
46 Unus miles sic salutat alium:
«Nobili et egregio viro T. de Sacco militari gloria prefulgido,
R. de Paliano salutem et sincere dilectionis
affectum»; [vel:] «Nobilissimo domino R. de Paliano strenuo
|
|