Arnulfus Mediolanensis: Liber gestorum recentium

149


Ambrosiano testimonio iure possit imperare, qui Ambrosiana consecratione
didicit et cepit regnare". Cumque hec regis omnibus placeret
sententia, dexteram Ravennati auferens Ambrosianum iubet
accersiri pontificem. Qui predicta vitandi tumultus causa
venire distulit.
[5.] Igitur consulente domino apostolico et universis episcopis
dexteram dedit Arderico Vercellensi episcopo, illius suffraganeo,
ut pater in filio , magister videretur in discipulo, qui in imperiali
consecratione vicem Mediolanensis archiepiscopi pleniter tenuit. Post
dies aliquot indicta est synodus Rome auctoritate apostolica, in
qua constitutum est, ut in omnibus negotiis pontificalibus Ravennas
nullo modo in eternum se Mediolanensi preferat antistiti, et si forte presumpserit,
canonice legi subiaceat. Insuper placuit omnibus super
hac re conscribi thomum in sempiternum testimonium. De
quo pauca de pluribus ista decerpsimus.

Torna all'inizio