Pag 30

44. DE LONGO EXORDIO EVITANDO
De prolixitate exordii exemplificari non expedit. Satis enim edicere
sufficit prolixitatis fugam. Absonum enim esset exordium, quod
alicuius aliarum partium epistole excederet quantitatem; quare in
exordio brevitas sive mediocritas est servanda.
45. DE SEPARATO EXORDIO EVITANDO
Separatum enim exordium dixi, quod ex ipsa causa natum non est.
Cum enim causarum alia sit honesta, cui statim sine oratione nostra favetur,
ut que est legibus et moribus consentanea, alia turpis, quam auditus
abhorret, alia dubia, in qua offenditur et placetur, alia humilis,
que ab auditore negligitur. Separatum esset exordium, quod honeste
cause congruens turpi daretur, vel e contrario, et sic de aliis. Que autem
exordia conveniant causis honestis et que ceteris, dictum est supra
sub rubrica 'De exordio'.
46. DE TRANSLATO EXORDIO EVITANDO
Transfertur exordium cum, causa benivolentiam exigente, docilitatem