Quocirca discrecioni vestre presencium tenore conmittimus,
et sub pena exconmunicacionis districte precipiendo
mandamus, quatenus prefatum R per vos vel per alium
ex parte nostra peremptorie citare curetis, ut octava die
post festum omnium sanctorum, si iuridica fuerit, alioquin
proxima die iuridica tunc sequenti, per se vel per
procuratorem ydoneum coram nobis, ubicumque in dyocesi
vel provincia nostra fuerimus, conparere procuret, eidem
P super iure quod sibi vendicat ex presentacione ad eandem
ecclesiam de facto et aliis omnibus que proponere
contra ipsum voluerit de iusticia responsurus.
Alioquin contra eum etc. ut supra in alia eitacione.
C . Citacio de aliquo diffamato.
Libenter taceremus quod dicimus, si possemus.
libenter aboleremus quod scribitur, deo teste. set debitum
officii non patitur, quoniam mordica lenitivis
interdum misceamus, ut qvos lac dulcedinis non emollit
virga debite correctionis inclinet.
Sane cum R Iohannis rectorem ecclesie de . . tam
super incontinencie vicio quam enormibus excessibus aliis
invenerimus adeo publice diffamatum quod de ipsius
sordibus quasi predicat omnis loquens, amplius dissimulare
non possumus quin veritatem de tantorum clamore facinorum
per viam iusticie inquiramus.
Quapropter discrecioni vestre etc. ut supra usque
ad locum eidem P. tunc dicatur: super premissis et aliis
omnibus ex officio nostro sibi obidendis suam si potuerit
innocenciam purgaturus.
Alioquin etc. ut supra in eitacione prima per totum.
|
|