Britius uero cum Habundio et Carpoforo et aliis fratribus uenit
in urbem Spolitinam, et deuouerunt se ibi finire uitam. Quo
cum Turgius et Leontius et Martianus erant constituti proconsules,
seuientes et persecutores Christianorum, et retinentes ydoli insaniam.
Occulte igitur Dei famulus Britius et Habundius diacones
et Carpoforus presbyter uerbum Domini populo predicabant, ut recederent
a simulacris et cultura ydolorum; qui habebant deos aureos
et argenteos, alii ereos in capsidilia sua. Et crescebat uerbum Domini
in eis, et mittentes aquam in peluem, et baptizabant eos in
nomine Patris et Filii et Spiritus Sancti. Et multae animae Paganorum
conuertebantur in Christi amore, et ydola eorum igni tradebantur,
et destruxerunt templa ydolorum et principia eorum.
Unde diuulgatum est Turgio et Leontio et Martiano, quod de
Syriae partibus uenissent homines, et subtraxissent populum in
doctrina hominis illius, qui in Iudea in ligno crucifixus est a prin-
|
|