CLVIII.
Responsiva ad predictam.
Cum pro posse cupiam vestre dilectioni facere que sint
grata, iuxta vestrarum continentiam litterarum laboravi talem
inducere sacerdotem ut ad vestra servitia properaret, ei vestram
personam commendans et mansionem laudabilem civitatis. Cuius
responsio talis fait, quod alicui domino libenter serviret, a
quo acciperet victum et vestitum. Qua de re vestras eidem
litteras transmittatis, si vultis in omnibus ei necessariis providere;
scientes quod in officiis multum valet, et satis est bonis
moribus exornatus.
CLVIIII.
De canonico regulari ad alium.
Cum talis clericus meus consanguineus et amicus in bona
gratia sui episcopi non existat, de quo tristatur ad mortem,
vestram exoro prudentiam, que sufficiens creditur in hac parte,
ut divino intuitu et amore pro reconciliatione ipsius efficaciter
laboretis.
CLX.
Responsiva ad eandem.
Exaudire me noluit dominus episcopus Mutinensis, cum
eidem cepi pro T. clerico vestro consanguineo supplicare,
dicens quod tam gravis offensionis precessit iniuria, quod non
posses sic de facili relaxari. Quare non moleste feratis, si
exequi non potui quod volebam, in vero scientes quod semper
vobis in omnibus servire desidero et placere.
|
|