irruentes barbaros totis viribus, toto conamine totisque desideriis
proturbare contendant! Heu misere conditionis et dampnate sortis
insula, que sic alumpnos nutris et provehis ut cum in optatum
robur excreverint, prima ex te virium suarum experimenta capiant
et uberum tuorum pinguedine saginati, viscera tua recalcitrando
discerpant! Sic olim plurimi tuo in sinu tuisque in deliciis
enutriti, multis te postmodum iniuriis et multis preliis afflixerunt.
sic et Constantia, primis a cunabulis in deliciarum tuarum affluentia
diutius educata tuisque instituta doctrinis et moribus informata,
tandem opibus tuis barbaros ditatura discessit, et nunc
cum ingentibus copiis vicem improbam tibi redibitura revertitur
ut pulcherrime nutricis ornatus violenter diripiat et munditiam
tuam, qua regnis omnibus antecellis, barbarica feditate contaminet.
/*
Age nunc, Messana civitas, potens et multa civium nobilitate
prepollens, quo putas indempnitati tue prospiciendum consilio ut
possis barbarorum primos conatus elidere et hostiles copias a Fari
transitu prohibere? Expedit tibi mature deliberare quid agas, nam
quia transeuntibus in Siciliam prima post traiectum ratibus Farum
occurris, primos etiam pugnantium impetus sustinere primaque
bellorum auspicia cogeris experiri. Certe si civium tuorum virtutem
et audaciam, senes tuos maturandis aptos consiliis, iuvenes
rebus bellicis assuetos, murorum etiam ambitum densis turribus circumseptum
inspicias, si vires tuas quibus sepe Grecorum superbiam
contrivisti, quibus Affricam Hispaniamque depopulans ingentem
inde predam et opima sepe spolia revexisti, diligenter attendas,
multum hinc tibi roboris et fiducie, multum spei ac securitatis
accrescet. Nichil ergo tibi formidinis, nichil terroris incutiat turbulente
|
1
5
10
15
20
25
|