CV.
Quidam scibit Marchioni ut reddat res ablatas captivo
dimisso.
Illustri et magnifico A. Dei gratia marchioni Estensi
Iohannes Vercellensis quicquid honoris et servitii potest. Placuit
magnitudini vestre detinere Peponem scholarem de Foro Iulii.
Sed cum in nullo culpabilis reperiretur, eum liberastis, sed res
quas habebat sibi reddite non fuerunt. Quare altitudinem vestram
duxi attentius deprecandam, quatenus res ablatas predicto
Peponi restituere faciatis, scientes quod si meas preces audiveritis
in hac parte, de fideli fidelior semper ad vestrum
servitium permanebo.
Exultatio in nativitate filie imperatricis nate tunc noviter.
Gloriosissima et serenissima domina nostra. Animis nostris
imperialis magestatis vestre programma, qua decuit reverentia
et devotione susceptum, continens serenitatem vestram, filiam
corpore et membris singulis elegantem die XI° mensis transacti
Iullii in mundi produxisse lucem, gaudium vehemens proinde
attulit et iocundum, tanquam illis qui de omnium imperiallium
gaudiorum augmento, que propria reputamus, sumus alacres
atque leti, de ipsius gaudii participatione serenitati vestre
imperiali gratiarum actiones non quas debemus, sed possumus
rependentes.
Subscriptio ipsius epistole.
Gloriosissime et serenissime domine sue domine Elisabeth
Dei gratia Romanorum imperatrici, semper Auguste, et Boemie
Regine.
|
|