Ysaac et Iacob»; vel sic: «Videte quid agendum sit
in filium Verris».
CXXXVII.
Quid sit denominatio.
Denominatio trahit rationem a rebus finitivis et propinquis,
ut «crux liberat vos a morte» idest «crucifixus».
CXXXVIII.
Quid sit circuitio.
Circuitio rem simpliciter circumscribit, ut «Christus
misericordia nos redemit» idest «Christus misericors».
CXXXVIIII.
Quid transgressio.
Transgressio permutat ordinem naturalem, quandoque
in prepositione; et tunc vocatur perversio, ut «aures ad
vestras»; quandoque in aliis partibus, et tunc vocatur traiectio,
ut «tuam rogo amicitiam».
CXXXX.
Quid superlatio.
Superlatio transgreditur veritatem, ut «tu es candidior
nive, sermo tuus est dulcis ut favus mellis».
CXLI.
Quid sit intellectio.
Intellectio est, cum pars pro toto accipitur vel e contrario,
ut «animo filiorum Israel intraverunt Egyptum», id
|
|