Guidonis Fabe Epistole, ed. A. GAUDENZI, ?Il Propugnatore?, 6,2 (1893), pp. 372-389.
LXX.
Responsio Mutinensium.
Quia iustitiam semper dileximus et odio proditores habuimus,
ideo dilexit nos Dominus et sua potentia defensavit,
miraculose ponens in nostris manibus inimicos. Unde ad
ampliorem laudem et gloriam terre nostre, que magis honorificentiam
respicit quam profectum, Mediolanenses milites
absolvimus inhoneste proditos et seductos, aliis exemplum
laudabile faciendi similia relinquentes.
LXXI.
Alia responsio.
Magna est, immo potius maxima et ultra modum miranda
sapientia terre vestre, que nos verborum dulcedine
subtili putavit ingenio capere fraudulenter. Sed cum tanta
sollicitudine vigilemus, quod ad cantum dormire non possimus
sirenarum; sciatis, quod nostros captos ob amorem
vestrum custodiemus prudenter, et vos propter honorem vestrum
velitis Dominum deprecari, quod alios habere nos faciat
in presenti.
|
|