eloquium tuum recte pronunciare, aut taceas. Et dixit:
qui dolet ex eloquio assecuratur quod sit percussus. Et dixit:
despicite mortem quia non habet aliam amaritudinem nisi timorem
sui. Et dixerunt ei: que est bona acquisitio? Respondit:
que crescit expendendo ipsam. Et dixit: hebrietas defedat
animam; et quod peius est bibere, ex illo quod istud efficit? Et
dixit: Qui incedit in mundo secundum sui dispositionem, non
est requirendus ad danda anime consilia, quia non dabit nisi
arbitrio voluntatis in qua quiescit. Et dixit: bonum consilium
ostendit in principio finem rei. Et dixit ei quedam mulier: attende,
senex, quo modo facies tua turpis est. Qui respondit:
nisi esses speculum turbidum, videretur in te melius mea
pulcritudo. Et dixit: qui observat secretum est discretus, et qui
patefacit est insipiens. Et dixit: oportet hominem occultare secretum
sibi commissum, sed gracior est qui occultat quod non
sibi secrete committitur. Et dixit: cum tuum secretum cor
tuum non continet, multo minus continebitur in cordibus aliorum.
Et dixerunt: quare sensatus petit consilium? Respondit: quia
sui voluntatem veretur, que suo sensui vel rationi miscetur. Et
dixit: si sciret qui multum utitur dulcibus, quod medetur
sibi ex comestione acetosorum, non tamen uteretur comestione
ipsorum. Et dixit: qui est bonorum morum, est bone vite et
secure, et homines diligunt eum; et qui malorum morum est,
est male vite, et homines fugiunt eum. Et dixit discipulo: fili,
non confidas in mundo, quia nunquam solvit quod promittit;
|
|