ymaginibus figurare, ea autem, que Christus fecit, fuerunt
conscripta ad nostram informacionem et doctrinam. sed
quoniam multi sunt, qui licteras nesciunt, ideo sancti Patres
ordinaverunt ut gesta Christi et aliorum Sanctorum per ymagines
figurarentur, ut ipsi layci in ipsis ymaginibus tanquam in libro
instruantur. debet autem pingi ymago Christi et beate Marie
prout a sanctis doctoribus traditum reperitur. Iohannes
enim Damascenus dicit quod Christus fuit consuperciliatus,
idest habuit supercilia coniuncta, et quod fuit bene oculatus, et
quod habuit longum vultum, et quod fuit aclinis, quod erat signum
humilitatis et maturitatis. sanctus autem Epiphanius
dicit quod statura corporis Christi fuit sex pedum, et quod habuit
capillos lungos et flavos, et quod habuit supercilia nigra et aliquantulum
circumflexa, et quod habuit oculos flaventes, leticiam
conferentes, et quod habuit longas nares et barbam flavam, et quod
fuit coloris frumenticij, et quod non habuit cervicem
erectam, sed aliquantulum inclinatam et subrubeam. de matre
|
|