V.
De filio ad patrem, ut honoret amicum
qui pro filio deservivit.
Reverendo patri domino C., pre cunctis viventibus metuendo,
A. scholaris Bononie salutem et filialis reventie famulatum.
Vestre dominationis prudentiam vestreque paternitatis
benignitatem deposco suppliciter et instanter, ut harum latorem
dominum P. multe generositatis et urbanitatis titulis insignitum,
qui me liberalitate sua multipliciter honoravit in
multis, velut meam personam velitis multiplicatis honoribus
honorare, considerantes quod dicitur « Alteri conferens plus
honoris consequitur, quam cum gratum officium impertitur ».
VI.
De filio ad patrem pro subventione.
Cum propter imperatoris adventum, quem Bononienses
trepidanter exspectant, Bononia facta sit cara in victualibus
ultra modum, nimis cito, necessitate urguente, defecit pecunia
paternalis. Unde vestre dominationi supplico, ut indigentie filiali
denarios dignemini destinare, ita quod expensas facere valeam
competentes et scientie capere documenta. Nam paterni roboris
non est denegandum auxilium, ubi debilium postulat necessitas
filiorum.
VII.
Responsiva grate voluntatis.
C. pater, A. filio suo cum benedictione salutem. Filius
sapiens letificat patrem, filius vero stultus mestitia est matris
sue. Ineffabiliter equidem gestientes, tue filiationis devotionem
et sinceritatis intimam puritatem scientie margaritam capere
|
|