duobus veli candidissimi limbis, ad medium veneranda
crux depicta salvatoris ymagine extensis late brachiis superspectabat
circumfusa agmina, ut, qualiscumque belli foret
eventus, hoc signo confortarentur inspecto. Essetque gravis
inter urbem regnumque conflictus, nisi novus de morte
cesaris rumor concuteret animos hostium adeo, ut solutis
castris certatim resurgerent ita cumfuse, ut colliderentur ad
invicem. Inter quos Parmensis corruens signifer turpiter
occubuit.
[17.] Defuncto autem Chuonrado Heinricus adolescens
eius filius rex vivente patre creatus augustus ab omnibus
appellatur, vir rei publice gerende satis ydoneus. Qui
paterni animi non imitatus affectum suorum consultu fidelium
cum archiepiscopo pacis federa stabilivit, ab illo deinde
fideliter honoratus.
|
|