patris gloriam, eternam in Domino claritatem, totiusque
congregationis unitatem, eternorum munerum portionem et
fratrum in Christo unionem", "bonorum observationes morum
et in Christo perseverantiam gaudiorum".
Preter etiam ista cuncta fere, que superius in salutatione
archiepiscoporum et episcoporum ad se invicem conveniunt,
hic recte collocari possunt.
Salutatio ad prudentem quempiam clericum
vel militem.
"V. Christi munere solo nomine Vincentinorum episcopus
P totius prudentie clerico salutem et benedictionem in Domino"
vel "eterne salutis et benedictionis gaudia". Similiter potuisset
dixisse : "summe, intime" vel "maxime prudentie" vel
"industrie" vel "peritie" vel "modestie" vel "elegantie" vel
"celebritatis" vel "claritatis" vel "ingenuitatis" vel "serenitatis".
His vel quolibet istorum convenienter in adiectivum
alterius commutato uti possunt, ut dicatur: "prudentis industrie"
vel "industris prudentie clerico" vel "perite modestie" vel
econverso, "modeste elegantie" vel econverso, et sic in
singulis salutem cum benedictione: "salutis eterne subsidium
cum benedictione dominica", "hereditatis Christi participem
cum benedictione divina", "Dei et nostra perfrui benedictione",
"Dei nostreque benedictionis gratiam!, "Dei benedictionem
et nostram iugiter orationem", "iuge Christi subsidium nostreque
* benedictionis presidium", "sapientie repleri gratia et benedictione".
|
|