negotiis bellicis temporaliter se immiscent. Super
his honori vestro, sicut convenit, providete:
attendat nihilominus vestrae Serenitatis
affectio, si sunt haec arma pontificum: si Petri
subambulus, quod debet, in gentibus oleum
pietatis infundat: si Christi vicarius, Christi
vices adimpleat, dum illis dispendiis incaute se
implicat, ex quibus homicidia sanguinolenta
proveniunt, et animarum multiplicia detrimenta
nascuntur. Nos enim, qui pondus incudis
hactenus patienter et devote subivimus, nolentes
per patientiam nostram laedi, de caetero
pati nequivimus quin causam nostram defendendo
viriliter, mallei consequenter officium
adsumamus.
Cap. XIX.
Friderico, Capitaneo regni, ut procedat contra
religiosos, portantes literas papales in regnum.
Pungitive nos angit interius res nova
quam scribimus, dum inquietare nos ibi
conatur adversarii nostri rigor, ubi quietis
et pacis solatia studiosius procuramus. Nuper
enim ad audientiam nostram, non sine cordis
perturbatione pervenit, quod iste Romanae
sedis antistes, cui non satis est in Italiae partibus
impetiisse nos hactenus, nisi in regni nostri
pomerio, quo velut in oculorum nostrorum
pupilla pertingimur, spinas interferat, et
nostrorum corda fidelium, quae fidelitas nativa