Romani ne aliqui occiderentur, sed dies illa cum leticia ageretur,
ex eo quod erat prima dies anni et ex eo quod dedicata erat
Iano, qui erat maximum et precipuum ydolum Romanorum.
de Sabbatino episcopo quinto.
Sabbatinus, episcopus quintus, cepit circa annos Domini
.DC.LXVI. iste transtulit corpus sancti Romuli de villa
Matuciana ad ecclesiam Ianuensem. nam, cum Sarraceni
villam illam destruxissent, dictus Sabbatinus episcopus illuc perrexit
et corpus sancti Romuli honorifice Ianuam detulit et sub
altare sancti Laurentii in capsa marmorea venerabiliter collocavit.
conveniens quidem fuit ut sanctus Romulus non nisi in civitate
|
|