: Assise regum regni Sicilie

Pag 32


aut bonorum omnium ammissione plectendis. Interim confugis victualia
non negentur. Sane si servus, aut colonus, aut servus glebe se ipsum
subtraxerit domino, vel furatus res ad loca sancta confugerit, cum rebus
quas detulit, domino presentetur, ut pro qualitae commissi subeat ultionem,
aut intercessione procedente restituatur et gratie. Nemini
quippe ius suum est detrahendum.
VII. De privilegiis ecclesiarum non violandis
Si venerabilis ecclesie privilegia cuiscumque fuerint temeritate violata
dolove suppressa commissum iuxta dampnositatem ecclesie compensetur.
Quod si non sufficiat ad condempnationis mulctam, regis iudicio vel
officialium arbitrio committetur. Nichilominus pro qualitate commissi
regis providentie, vel officialium arbitrio subiacebit.
VIII. De episcoporum privilegio
Episcopus ad testimonium non flagiterur, nisi forte in causis ecclesiasticis,
vel publicis, cum necessitas, aut regis auctoritas postulaverit.
Presbiteri non cogantur corporale sacramentum in negotiis exibere;
diacones, subdiacones et infra positos altari sacri ministros, ab obsequiis
sordidis alienos esse precipimus; presbiteros tantum non etiam ceteros
omnibus angariis personalibus prohibemus.
IX. De illicitis conventiculis
Conventiculam illicitam extra ecclesiam in privatis edibus celebrari
vetamus, proscriptionis domus periculo imminente, si dominus eius in eam
clericos novam vel tumultuosam conventiculam celebrantes, susceperit non
ignarus.
X. De ascripticiis volentibus clericari
Ascripticios sine voluntate et assensu eorum quorum iuri subditi
sunt, et potestati, nullus episcoporum ordinare presumat, neque de aliensa
parrochia, per litteras commendatorias secundum canonum instituta, vel
ab episcopo, vel a proprio capitulo.
Hii quorum ascripticii sunt, si quod premium pro data licentia consecrandi
suscepisse convicti fuerint, huiusce ascriptii perdant qui dedit pecuniam
ab ordine cadat, fisco vero cum omnibus rebus suis vendicetur.

Torna all'inizio