Medibile medicabile.
Mediterream melius, quam mediterraneam Sisinna (inc. 3)
dici putat.
Merendam antiqui dicebant pro prandio, quod scilicet medio
die caperetur.
Mergae furculae quibus acervi frugum fiunt, dictae a volucribus
mergis, quia, ut illi se in aquam mergunt, dum pisces
persequuntur, sic messores eas in fruges demergunt, ut elevare
possint manipulos.
Mercurius a mercibus est dictus. Hunc etenim negotiorum
omnuim aestimabant esse deum.
Merum antiqui dicebant solum; unde et avis merula nomen
accepit, quod solivaga est et solitaria pascitur; at nunc merum
purum appellamus.
Mercedonios dixerunt a mercedem solvendo.
Medialem appellabant hostiam atram, quam meridie immolabant.
Mercedituum mercennarium, quod mercede se tueatur.
Mertat pro mersat dicebant.
Melicae gallinae, quod in Media id genus avium corporis
amplissimi fiat. L littera pro D substituta.
Melos insula dicta est a Melo, qui ex Phoenice ad eandem
fuerat profectus.
Melo nomine alio Nilus vocatur.
Melia[s] basta a ligno mali dicta.
Meliboea purpura, a nomine insulae, in qua tinguitur, est
vocata.
Melancoryphi genus avium, quae Latine vocantur atricapillae,
eo, quod summa earum capita nigra sint.
Memorare significat nunc dicere, nunc memoriae mandare.
|
|