si quod vacat ad presens, vel cum vacare contigerit, conferatis
alicui, vel ad ipsum aliquem presentetis, aut quemcumque
eligatis ad idem, donec dicto P secundum mandatum
predictum providerimus de beneficio conpetenti, quod
collacioni nostre penitus reservamus.
Decernimus etenim ex nunc irritum et inane quidquid
in contrarium a quocumque contigerit attemptari.
Datum etc.
b. Forma collacionis beneficii vacantis post dictas
inhibicionem reservacionem decretum.
Universis presentes litteras inspecturis G archydiaconus
lewenensis, executor a sede apostolica deputatus ad providendum
P de tali loco de beneficio conpetenti, spectante
ad collacionem vel presentacionem prioris et capituli talis
ecclesie, salutem in domino sempiternam.
Olim sanctissimus pater dominus Martinus papa iiii
suis nobis dedit litteris in mandatis, ut P predicto provideremus
de aliquo beneficio conpetenti, spectante ad collacionem
presentacionem vel electionem talis prioris et
decani et capituli.
Quarum auctoritate litterarum inhibuimus decano et
capitulo supradictis, ne beneficium ecclesiasticum ad eorum
collacionem presentacionem vel electionem spectans conferrent
alicui, donec iam dicto P providerimus de aliquo beneficio
conpetenti, quod nostre collacioni immo apostolice
reservamus, decernentes nichilominus irritum et inane quidquid
in contrarium contingeret attemptari.
Cum autem talis ecclesia, spectans ad collacionem
vel presentacionem decani et capituli eorundem, vaccet
ad presens per mortem — vel resignacionem, vel promocionem
— ecclesie predicte rectoris, nos volentes dictum
mandatum apostolicum, ut tenemur, exequi reverenter,
ecclesiam cum omnibus iuribus et pertinenciis suis cum
|
|