Saba Malaspina: Rerum Sicularum libri

Pag 271


propterea animositate resumpta, qui fere prae
timore facti erant exanimes, dum se perdituros
finaliter autumant et perdendos. Propter quod,
consilio inito, milites numero forte septingenti,
computatis Provincialibus, Calabris, Messanensibus,
et fratribus praelibatis, de Messana pergunt
ad planum Milatii contra Pisanos et comitem
memoratum; cum quibus militibus una
quasi hora galeae Provincialium et Messanensium
supradictae junctae simul illuc remo trahente
festinant.
Cap V
Pisani, victo proelio, quamplures Messanensium triremes
capiunt, et usque in portum reliquas insequuntur:
quare, magno motu in urbe excitato, cives
viriliter sese defendunt.
Cumque jam utrinque galeae Pisanorum et
Provincialium et Messanensium per aequora
plana de propinquo se cernerent, Pisani, cursu
hostes praevenientes audaci, galeis obviant praedictorum;
et ut melius inimicis obsistant, dimicentque
securius, in altitudine maris supra galeas
adversariorum aliquantulum se impellunt.
Contra hos Pisanos, qui videbantur jam fugere,
galeae Messanensium fatue se convertunt. Verum
Pisani, galearum proras dirigentes ad terram,
per continuum violentumque remorum impulsum,
galeis tantum Messanensium se conjungunt, et
fere illas in ipso lacertorum impulsu confringunt.
Messanenses autem, credentes quod Provinciales
in hostes animosos irruerent, quamvis concussi
fortiter, se tamen conantur defendere ac resistere
sicut possunt. Galeis autem Provincialim,
nescio quo vano timore perterritis, petentibus
altum mare, ac, nullis eos insequentibus, ad
subsidia fugae conversis, Messanensium praedicti
necessario terga dant hostibus, et, quasi naufragi,
versis puppibus obici terrae, velut praecipitio
voluntario se committunt. Unde Pisani novem
galeas Messanensium personis vacuas, et
octodecim in eis tantum homines abjectae conditionis
et infimae capiunt. Ex quo tantum sumunt
audaciam, quod non minus intrepide, quam superbe,
ad terram cum militibus adversariis pugnam
quaerunt. Milites autem praedicti, attendentes
quod galeae Provincialium fugerant,
messanenses vero jam captae erant, non immerito
tremescunt, et dubitant, cum ipsi tantum
de tota regis parte in Sicilia superessent, uno
nequaquam alterum expectante, nec suam banneriam
subsequente, cursu continuo quasi debellati,
messanensem repetunt civitatem, mortificatis
fugiunt artubus, et campum hostibus peditibus
et marinariis derelinquunt, plus forsitan
de civibus messanensibus dubitantes, quam
de Pisanis praedictis, qui eos ausu temerario
et non sano insequi pedites praesumebant. Demum,
Pisanis ipsis cum galeis suis trahentibus
usque ad portum civitatis praefatae galeas sic
captas, Messanenses praedicti, mentibus interius,

Torna all'inizio