II
DE DIFINICIONIBVS SEV DESCRIPCIONIBVS
OMNIVM VICIORVM
QVID SIT SVPERBIA. RVBRICA.
1 Superbia est elatio uiciosa que, inferiores despiciens, superioribus
et paribus satagit dominari.
QVID SIT IRA. RVBRICA.
2 Ira est subdita animi tempestas que, dum inordinate se concutit,
cor hominis ad infamiam protrahit.
QVID SIT INANIS GLORIA. RVBRICA.
3 Inanis gloria est inordinatus animi motus quo quis propriam desiderat
excellentiam ut alios honore precellat.
QVID SIT TRISTITIA. RVBRICA.
4 Tristitia est consternatio mentis ex dampno rerum temporalium
maxime prorumpens.
QVID SIT INVIDIA. RVBRICA.
5 Inuidia est egritudo animi ex felicitate alterius proueniens, naturaliter
nocens inuidenti; uel sic Inuidia est adustio mentis de
prosperitate bonorum.
QVID SIT AVARITIA. RVBRICA.
6 Auaritia est cum quis in uitia aggreditur euinctus, ut adipiscatur
quod cupit.
QVID SIT VENTRIS INGLVVIES. RVBRICA.
7 Ventris ingluuies est immoderata qualicunque ciborum hiantis
|
|