Quid fecisti, quid mali predicabas? Nam si regnum nobis
auferre desiderasses, tamen in te nullo modo talia committere
deberem. Vnde me infelicem fore cognosco, nisi etiam festi-
nanter medicinam propinquam habuero».
Tali finito sermone, in ciuitatem ipsemet feretrum su-
biens, corpus sanctum cum aliis fidelibus adduxit. Quod
cum hymnis et canticis insancta Dei domo, cui ipsemet ponti-
fex prefuerat, et cum omni specie aromatum miro in sacro
plago tertia die kalendarum Decembrium, a suis fidelibus cle-
ricis deuote et diligenter conditum est.
O Domini nostri mira bonitas, quam sic lupos humi-
liat, quam fiant agni! O mira nostri redemptoris clementia,
quam gratis nos bonos facit! O mira Dei prouidentia, cui
non est initium nec finis! O diuina dispensatio, qua orbis
terrarum in uigore consistit. O inenarrabilis diuinitatis alti-
tudo, cuius ministerium humana lingua enarrare non ualet!
O fides, o spes, o caritas, quibus homo munitus nullum
naufragium timet! Sed si quis contumaci audacia in Dei se-
ruos insane cupit, non ad unguem perducere ualet. Nam
Dominus fidelibus suis ait: Nolite timere eos, qui occident
corpus, animam autem non possunt occidere. Et alibi: Ego
|
|