Iohannes de Procida (attr.): Liber philosophorum moralium antiquorum

Pag 412


indulgeas illis qui obsunt tibi propter illos qui prosunt. Et dixit:
vita huius mundi est ita brevis quod homo non debet corde
concipere alium odire. Et dixit: statue iram tuam indirecto
patiencie tue, et tuam ignoranciam in directo tue sapiencie, et
tuam oblivionem in directo tue memorie. Et dixit discipulo suo:
musice move cordam secundum motum fortitudinis; intelligis
que dico? Et respondit: sic; et dixit: non video quod tu intelligas.
Respondit discipulus: qualiter vides hoc? Dixit: non
video te ylarem, et intelligendi signum est ylaritas. Et dixit:
utilis est verecundia in puero, quia ostendit quod erit boni sensus.
Et dixit: melius est quod benefacias cum bene succedit, quam
quando male successerit, quia tunc forte non suppetent facultates.
Et dixit: qui moratur in provincia in qua non est dominus
ultor et iudex iustificator et medicus sapiens, et forum
abundans, et fluvius currens, se et suam pecuniam exponit fortune.
Et castigavit regem Amon dicens: primum quod tibi precipio
est timere Deum et obedire eidem. Et dixit: qui dominatur hominibus
necesse habet habere memoriam semper trium rerum:
prima est gentis sibi subiecte; secunda est quia, licet sint
sub suo dominio, ut liberi sunt et non ut servi; tercia est quod
sua dominacio curare non potest nisi modico tempore. Igitur
oportet te, o Amon, servarer animam tuam bona voluntate et verbo
veritatis; nec debes vacare de impugnando in Deum non credentes
et cogendo eos ad subeundum sui obedienciam. Nec concupiscas
eorum pecuniam, qua dimittas eos in Dei inobediencia,
nec velis habere divitias nisi fuerint de bene acquisitis. Et scias
quod populus obedit benefacienti, nec potest bene accidere regno
nisi quando habundat populo; nam quando dominus carebit

Torna all'inizio