Guido Faba: Dictamina rhetorica

64


C. et D. iudicibus, E. et F. iustitie militibus et quibusdam
aliis de curia nostra presentibus, vice, loco et nomine communitatis
ipsius, B. portitorem litterarum istarum in curia romani
pontificis, vel romani principis nostrum procuratorem
constituimus et nuntium specialem ad contradicendum et
resistendum adversariis omnibus, si aliqui apparerent, et litteras
et iudices impetrandos; promittentes quod ratum habebimus
et tenebimus illibatum quicquid in his utiliter duxerit
faciendum. Ad notitiam cuius rei hoc nostro sigillo fecimus
communiri.
CXX.
Littere de licentia data.
Nos Spinus de Surisino potestas Bononie, damus licentiam
et liberam concedimus potestatem P. civi Cremonensi
harum portitori, ut sine contradictione cuiusquam de nostro
districtu libere possit extrahere decem vaccas, quas se comparasse
in comitatu Imole iuramento proprio declaravit: eidem
nihilominus adicientes sacramentum, quod nullum
mercatum cum eisdem mercibus vel earum occasione portabit
aut deduci faciet vel portari extra civitatem Bononie vel districtus.
Data in palatio dicti communis tali die, hinc ad
diem Iovis et non amplius valitura.
CXXI.
De rectore ad rectorem.
Egregio viro et strenuo militi domino Io. comiti Romaniole
multa laude et honore digno U. potestas Bononie et
consilium universum salute et robore accingi fortitudinis et
virtutis. Quamvis merita et servitia nulla processerint pro quibus

Torna all'inizio