CLXX.
De inceptione nominis per omnes casus.
Exemplum: «Petrus lator presentium honorabilis civis
noster, nobis conquerendo monstravit». Genitivus: «Petri
querelam recepimus continentem». Dativus: «Petro conquerenti
litteras nostras duximus necessario concedendas». Accusativus:
«Petrum nuper admisimus conquerentem». Vocativus:
«O Petre, tua lamentabili querela coram nobis sepius
exponere procurasti». Ablativus: «Petro cive nostro honorabili
ac dilecto intelleximus conquerente».
CLXXI.
In plurali.
«Frequentate querele nos cogunt iterare mandata».
Genitivus: «Querelarum diversitas nos constringit modos multipliciter
invenire, quibus potentum audacia conposcatur, et
debilium innocentia valeat defensari». Dativus: «Querelis
propositis, aures apostolice dignitatis avertere non possumus
nec debemus». Vocativus: «O querele, quomodo a peccatis
hominum pullulatis». Ablativus: «Querelis auditis et lamentationibus
intellectis, quas dilecti filii potestas et populus Imolensis
nobis exponere curaverunt».
CLXXII.
De terminatione nominis per omnes casus.
Item in nomine per omnes casus preter quam in vocativo
recte distinctio finietur. Exemplum in nominativo: «Omnia
cum discretione fiant, que virtutum dicitur esse mater».
In genitivo: «Coruscat celestibus, qui debililibus et egentitibus
|
|