51 Presens coniunctiui similis est futuro optatiui, ut "cum amem,
ames, amet" et cetera. 52 Preteritum imperfectum similis est presenti
et preterito imperfecto optatiui, ut "cum amarem, amares,
amaret". 53 Preteriti perfecti prima, a prima preteriti perfecti
indicatiui fit, i in e correpta et addita rim , ut "amaui, amauerim"
et cetera. 54 Secunda a sua prima, m in s , ut "amauerim, amaueris"
et cetera. 55 Tercia a secunda, s in t , ut "amaueris, amauerit"
et cetera. 56 Prima et secunda pluralis a secunda singulari interposita
mu uel ti , ut "amaueris, amauerimus, amaueritis" et cetera.
57 Tercia a sua tercia singulari interposita n , ut "amauerint" et
cetera. 58 Prima persona preteriti plusquam perfecti non formatur,
sed est similis perfecto et plusquam perfecto optatiui, ut
"cum amauissem, amauisses, amauisset" et cetera. 59 Futurum
quoque idem est quod et preteritum perfectum eiusdem modi,
excepta prima persona, que fit a prima ipsius mutatione im in o ,
ut "amauerim, amauero, amaueris, amauerit" et cetera. 60 Infinitum
fit a secunda imperatiui addita re , ut "amare" et cetera. 61
"Amauisse" a preterito plusquam perfecto optatiui, abstracta m ,
|
|