Boamundus, cuius machinatione civitas fuerat acquisita, princeps optinuit. Eodem
anno fuit prima guerra de Crema, que est usque in hodiernum diem non solum Cremonensium,
sed etiam aliorum frixorium Longobardorum.
CIIII. De captione per Fenicem, Sydonem et Tyrum, Anchon,
Caypham et Cesaream et Ierusalem.
Anno Domini MLXXXXIX. Franci progressi per Fenicem, Sydonem et Tyrum, Anchon,
Caypham et Cesaream et Ierusalem pervenerunt, et circum eam cotidie processionem nudis
pedibus facientes, eam virtute magna ceperunt.
Anno milleno [centeno] quo minus uno
Virginis a partu, Domini qui claruit ortu,
Ierusalem Franci capiunt virtute potenti,
Quindecies Iulio iam Phebi lumine tacto,
Quippe Godefredo patrie mox principe facto.
Est recuperata post CCCCXX circiter annos, ex quo sub Eraclio secunda vice a Saracenis
capta fuit et deinde possessa. Capta quidem urbe quandam crucis particulam in secreto
loco repositam invenerunt, quam ad sepulchrum Domini retulerunt. Audiens hec rex Babilonis,
ut Francos in Ierusalem caperet, accelleravit. Sed Franci usque ad Ascalonam
viriliter obviantes et eum viriliter impugnantes; de quorum diviciis his Franci ditati
gloriose Ierusalem rediere. Sed Robertus Normanie comes et Robertus Frandie comes per
Constantinopolim ad propria remearunt Raymundus comes Lauditiam accessit. Dux autem
Godefredus, Tancredo secum retento, Ierosolimitanum obtinuit principatum. Audientes Boamundus
princeps Antiochie et Balduinus frater Godefridi predicti, princeps Edisse, victoriam
sociorum maximo cum labore Ierusalem pervenerunt, et Daiberto Pisano archiepiscopo
in patriarcha constituto, ad suos principatus perfecto peregrinationis itinere feliciter redierunt;
et fuit tempore Urbani pape secundi.
CV. De Boamundo.
Anno Domini MC. Boamundus a Turchis captus est, et Godefredus Balduini
frater electus est. Qui Edissam Balduino comitti, cognato suo, conmittens et Ierusalem
per multos labores pervenit, et modico tempore terram ultra Ascaloniam et partes
Arabie, ut sue dictioni subiceret, perlustravit. Eodem anno papa Pascalis creatur, quem
quidam ex Romano clero adeo persecuti sunt, quod tres prelatos insignia induentes eos in summos
pontifices erigere presumpserunt; sed demum ab eodem Pascali confusi prostrati sunt.
CVI. De Balduino.
Anno Domini MCI. Balduinus in Bethleem coronatus in regem, quod frater omnimodis
recusaverat, dicens neminem debere coronari in regno vel de regno regis Christi;
sed consulcius sapientibus visum est, ut, quod [Iudei] Christo fecerunt ad ignominiam, |
|