quidam Iohannes Bovis de Catino investivit et tradidit in hoc
monasterio medietatem clausurę quę est iuxta terram Sanctę Marię
suptus ęcclesiam Sancti Petri, et de alia medietate quartam partem
cum forma aquam continente, pro redemptione animę suę et duorum
filiorum suorum qui eo die defuncti sunt, et in eadem ęcclesia
Sancti Petri sepulti. item, Transaricus filius Maifredi
dedit et tradidit in hoc monasterio res suas in comitatu Reatino
et castaldatu Turano, ubi dicitur Puzalia, in pertinentia de Mala
Morte; fines earum: a primo latere pertinentia Ophiani et de Vivaro,
a secundo latere rivus Sclavi, a tertio latere rivus Sancti Martini
descendens in rivum de Cartofago et inde ascendit in terra
filiorum Ioseph et Guidonis, a quarto latere filiorum Totonis
et pertinentta Ophiani quomodo descendit in suprascriptum rivum
Sancti Martini. horum omnium sextam partem. et portionem
suam infra muros civitatis Reatinę, et de foris, et in Margarita, et
in Plage, et in Amiterno in villa de Poplito, et in comitatu Furconino
in villa de Pile, et Roge, et in Trebere vocabulo Paterno,
et in Petra Lata cum portione sua de ęcclesia Sancti Gregorii et
Sancti Liberatoris cum portione de molendinis de Caicla, et in
Ceserano, et in Utri, et in Camarda foris ipsum castellum, et in
Sancto Chrisanto, et in Paganica, et in Collicello, et in Margine,
et in puteo Valentini, et in Civitate, et in Banio, et in villa
Sanctę Iustę.
Incipit preceptum domni Henrici imperatoris.
[In nomine sanctę et individuę Trinitatis]. Heinricus divina clementia
Romanorum imperator augustus. notum sit omnibus fidelibus sanctę Dei
ęcclesię, omniumque nostrorum fidelium pręsentium seu futurorum noverit
universitas, qualiter Hugo monasterii quod dicitur in Pharpha venerandę
genitricis Dei ac virginis Marię venerabilis abbas nostram adiens clementiam
deprecatus est, quatinus ipsius fusis pręcibus nostrę pietatis accomodaremus
aures, scilicet ut res noviter Deo favente acquisitas seu a pravorum hominum
dictione excussas ostra imperiali ac pręceptali pagina confirmaremus. Nos
vero, quia cunctis iusta poscentibus prębere debemus assensum, nostrę tuitionis
pręcepto nominatas et subscriptas sancto confirmamus monasterio. res
|
|