C . Super eodem.
Huic dicto conveniunt primo iiii interrogaciones generalissime
ad dictum cuiuslibet testis.
Que tales sunt, primo interrogandus est quilibet, ut
reddat causam sciencie sui dicti, hoc est quod dicat quomodo
scit ea que dixit, utrum per visum an per auditum
vel per credulitatem vel per alia iudicia. secundo interrogandus
est testis, quo anno, quo mense die et hora fuerint
ea que dicit. tercio in quo loco fuerint quarto qui fuerint
esentes.
Si ad primam interrogacionem, videlicet de causa sciencie,
testis testificetur de visu, si testis dixerit se vidisse
quando predictus P mutuavit dicto R dictam peccuniam,
tunc sunt alie interrogaciones necessario faciende, scilicet
utrum fuerit de auro vel argento peccunia illa quam
sibi mutuavit. et si dixerit de argento, queratur utrum
in turonensibus grossis vel alia moneta, et utrum connumerata
fuerit dicta peccunia vel in sacculo tradita, et si
numerata fuerit, quis eam connumeravit, et super quo
numerata fuit, et utrum dictus R - postquam sibi dicta peccunia
fuit connumerata et tradita — aportavit eam secum,
vel dimisit eam penes dictum P.
Si vero dictus testis respondeat de auditu, tunc
statim est, querendum convenienter ab eo, a quo audivit,
vel sub qua forma audivit, et quando, et si ab
uno solo vel a pluribus.
Omnes interrogaciones premisse faciunt ad primum
articulum.
Ad secundum faciunt et conveniunt iste. super secundo
articulo querendum est primo de causa sciencie,
quia hec interrogacio facienda est testi non super articulo
set super eo omni quod dixerit. et si dixerit, se
|
|