: Assise regum regni Sicilie

Pag 70


Leges a nostra maiestate noviter promulgatas, generaliter ab omnibus
precipimus observari, moribus, consuetudine, et legibus non cassatis, nisi
forte nostris his sanctionibus adversari quid in eis manifeste videatur.
1. De privilegiis ecclesiarum
Primo itaque iura sanctarum ecclesiarum, res omnes et possesiones
earum in nostra post deum et sanctos ejus custodia collacatas ab omnibus
incursibus malignantium, gladio materiali a deo nobis concesso defendimus
et inviolatas custodimus; quisquis hoc nostrum decretum violare voluerit,
nostram senserit ledere maiestatem.
2. Ut domini subiectos humane tractent
Monemus, princeps, comites, et barones, omnesque dominos, subiectos
humane tractare, misericordiam adhibere, maxime cum debitum adiutorium
et moderatum et conveniens volent ab ipsis, quos habent subiectos,
postulare.
3. Ut regalia non minuantur
Quicumque de regalibus nostris magnum vel modicum quid tenet,
nullo modo, nullo ingenio possit ad nostra regalia pertinens donare, vendere,
vel alienare, vel in totum vel in partem minuere.

Torna all'inizio