Q[uo]d d[omi]n[u]s Matheus de Corigia redarguit potestatem Mutine de nimio
rigore iustitie.
Ea tempestate dominus Mattheus de Corigia ivit Mutinam et
in palatio communis in pieno consilio acriter reprehendit potestatem,
dicens: «Certe, domine potestas, magnam obligationem induxistis
super nos et super civitatem istam, ex qua oportebit
nos timere toto tempore vite nostre propter precipitem vindictam
et iustitiam quam fecistis. Nam 'et plectendo et ignoscendo hoc
solum bene agitur, ut vita hominum corrigatur'». Tunc respondit
potestas et dixit: «Audivi ab his qui predicant quod Deus in lege
precepit, Exo. XXII: Maleficos non patieris vivere. Et Paulus
sanctus apostolus dicit quod potestas non sine causa gladium
portat, Ro. XIII». His dictis, unusquisque ad propria est reversus.
Quod illi de Gipso illis de Castellis non servaverunt pactum.
Item, millesimo supraposito, ottavo die Septembris, in festo
Nativitatis beate Virginis, circa vespertinalem horam, illi de Gipso,
cum haberent treuguam cum illis de Bibianello et de Castellis,
ab eis iam soluta pecunia, av[er]terunt se et non servaverunt
pactum, sed irruerunt super eos, ut vidi oculis meis, et abstulerunt
boves de pascuis et duxerunt ex eis predam, scilicet decem paria
boum et unam mançam, et IIII pueros secum duxerunt et unum
hominem interfecerunt. Illi vero de Castellis sive de Bibianello
ceperunt unum ribaldum Cremonensem, quem Monacho tradiderunt.
Quo leviter tormentato, factus est ex parte sua et habitavit
cum eo.
De provi[n]ciali cap[itu]lo Ferarie celebrato.
His diebus celebratum est provinciale capitulum ministrationis
Bononie apud Ferariam. Et generalis minister frater Mattheus
de Aquasparta interfuit illi capitulo. Et frater Bartholomeus
|
|