occurras. Sciturus, quod si aliter inde feceris,
praeter indignationem nostri culminis quam incurres,
sic contra te ad inflictionem poenalem
nostra procederet autoritas, quod dolore
merito poteris, nostrum te sprevisse mandatum,
et tantae negligentiae inertiam
commisisse.
Cap. LXIX.
Responsiva Justitiarii ad imperatorem, et exscusat
se de objectis.
Debita reverentia Majestatis vestrae receptis
et intellectis apicibus, in quibus
evidentem innocentiae meae caussam
perpendi, negligentis injuriae perniciosis
maculis obfuscatam, statim obstupui.
Sed stupore tractu temporis, exposcente veritatis
indagine, ab irreptione corporis recedente
aliquantulum meus animus respiravit:
sic, quod inflictae maculae cogitationis
opacae cumulum subiens, non nisi
conquestionis materiam potuit eructare. En
per vestrae Majestatis apices est assertum,
quod in regenda provincia ociosum inertemque
me gero, tepidum pariter et remissum.
Sicque pervigil cura mea dormienti cessit
incuriae, solicitudo cessit inertiae, quieti labor
cessit continuae, dum praetensae incuriositatis