et altero latino, jubet Siciliam remigando
girari, ipseque per terram propere pergit
Brunduxium, et extolium vascellorum, quod
ibi erat, facit otius et diligenter armari, disponens,
quod in plagia capiti Bruzani, seu
alibi per Calabriam ex parte maris Adriani,
utrumque simul extolium jungeretur.
Post haec rex ipse, dimisso Brunduxio, et
vascellis ad iter expositis, versus civitatem Reginam,
quam hostibus quondam sponte dimiserat,
per terram cum exercitu copioso procedit,
pro eo quod civitas, mari medio, Scillae appropinquat,
credens statim terram ipsam bello saltem
evincere, ut in ea conveniens multitudo recolligeretur
exercitus, et deinde vicissim gentes,
per totam fere Italiam auxiliatrici conventione
collectae, possent in vascellis in Siciliam ad
locum videlicet, ubi rex terram reciperet, liberius
transportari.
CAP. XIX
EXTOLIUM REGIS VADIT GIRANDO SICILIAM.
Interea extolium galearum, quod pridie excesserat
Neapoli, circuit navigando Siciliam,
incipiens a mari Tirreno per Barbariam, Rosam,
et per meridionalem plagam transiens, rediit
versus orientem ad mare Adrianum. Hoc sane
galearum extolium navem quamdam Catalanorum
sibi casualiter obviam occupavit, quae versus
Pisas pleno velo navigans tendere videbatur;
Catalanos, inquam, inventos in ea tradidit in
comsumptionem, et cibum maris, et escam piscium,
quosdam vero Pisanos et duos Romanos
servavit illaesos, merces seu mercimonia condens,
et stipans galearum suarum in alvo, et navem
terebratam per latera, in fundo dimittens aequoris
in abissu: post navim vero captam quamplures
in Sicilia per littora et per plagias variis
et damnosis jacturis affecit. Tandem post giratam
Siciliam advenit vascellorum extolium usque
Messanam, ibique in aditu portus, qui erat catenae
repagulo conservatus se aliquandiu adversariis
ostentavit.
Deinde fatigatus longo itinere apud plagiam
Cutronensem cum alio extolio de Brundusio veniente
se jungit, ibique victualia recentia sumit,
ac superstantes aliquantulum conquiescunt.
CAP. XX
Rex Karolus Regium civitatem obsidet.
Hoc est profecto finaliter ex praedictis sumtuosis
apparatibus consecutum, quod rex civitatem
Reginam personaliter dura obsidione circumdans
per terram, quippe durissime per mare
convenientibus ibi suis ingentibus classibus
habentibus CC magnorum corpora vascellorum
|
|