Guido de Columnis: Historia destructionis Troiae

Pag 65


rex Priamus, prandio celebrato, suo sedit in solio in suis propositis
estuans et in execucione ipsorum importune totus anhelans filios
suos, Paridem et Deyfebum, uocauit ad se et expressim mandauit
eisdem vt in Pannonie prouiuciam se conferant festinanter delaturos
secum milites strennuos quos in Greciam cum nauigiis secum
ferant. Et eodem die idem rex Priamus predictos Paridem et
Deyfebum coegit ad iter, qui statim, a rege ipso obtenta licencia,
recesserunt. Sequenti uero die idem rex Priamus vniuersos ciues
ciuitatis Troye ad generale colloquium conuocauit et conuenientibus
illis hiis est eos sermonibus allocutus. "O fideles et dilecti ciues,
satis est notum vobis quantis fuerimus per Grecorum superbias
iniuriis opprobriosis et dampnis innumerabilibus lacessiti nec vos
latet passos iniuriam, cum etiam alienis fabula facti sumus. Nec mee
sororis Exione permittit seruitus manifesta quiescere uota mea, cum in
eius memoria dolore constringar, quem continuata recordia nullatenus
abolere permittunt. Scitis enim me pro recuperatione ipsius
in Greciam discretum Anthenorem destinasse, qui, cum non fuerit
exauditus a Grecis, doloris mei materias duplicauit. Sed quia ferro
curanda sunt uulnera que beneficia non senciunt medicine, proposui
Paridem in armata manu et marino exercitu, multo completo
milicie, in Greciam destinare vt hostes nostros potenter invadat,
dampnis afficiat quibus potest, forte de eis aliquam nobilem mulierem
hostiliter interceptam ad ciuitatem nostram adducat, per
quam commutationem sororis mee diis fauentibus valeam promereri.
Quod quia exequi non decreui absque uestri approbacione
consilii, proposui hoc uestre propalare noticie, vt, si vobis uideretur
esse salubre, perseueretur instancius in incepto. Licet enim hec
omnia satis intime tangant me, tangunt communiter et vos omnes.
Et quod omnes tangit, sapiente dicente, debet ab omnibus comprobari. "
\*
Regis igitur eloquio fine facto, dum lata paterent vndecunque
silencia, quidam miles de circumstantibus Pertheus nomine, filius
quondam Euforbii, magni philosophi, in quem narrat Ouidius
animam magni Pictagore fuisse transfusam, surgens in hec uerba

Torna all'inizio