perfrui sospitate» vel «sanitate», vel «optati honoris augmentum»,
vel «salutem et scientiam acquirere et divitias
congregare», vel «salutem et omnimoda perfrui sospitate»
vel «omnimoda felicitate gaudere», vel «salutem
et cuncta que desiderat optinere» vel «salutem et
omnia habere pro beneplacis voluntatis» vel «ad beneplacitum
voluntatis», vel «salutem et haurire aquas de fontibus
scientie salutaris.»
XXVIII.
De scolaribus et discipulis ad magistros, et e converso.
«Domino magistro A., variis scientiis redimito» vel «litteratorie
militie cingulo redimito» vel «floribus eloquentie
purpurato» vel «spectabilis eloquentie ac scientie viro, iuris
prudentia et facti experientia redimito» vel «morum prerogativa
conspicuo, et honestatis gloria rutilanti» vel «septiformis
sapientie luce fulgenti, V. salutem et in scoliis philosophie
militiam exercere» vel «salutem, et ea scire vel docere
in terris que placeant angelis in excelsis», vel «salutem cum
promtitudine serviendi» vel, «quicquid devotionis et reverentie
potest» vel «seipsum totum in omni genere subiectionis.
Magister sic suo discipulo scribit: «Dilecto socio et peramabili
discipulo I., magister P. salutem cum sincere dilectionis
fervore» vel « salutem et suam gratiam.»
XXIX.
De subdito ad prelatum.
«Unice spei, singulari refugio et benefactori precipuo domino
P. talis loci prelato, V. suus clericus subditus et fidelis
seipsum totum ad beneplacita et mandata», vel «venerabili
in Christo patri et domino speciali V. Dei gratia dignissimo
|
|