suo ut meruit velut medicus operatur: equalitatem et moderationem
humorum corporum investigare et servare nititur, qua
durante, salus egri perduret. Et dixit: sensus est honorabilior
voluntate, quia sensus temporis te statuit dominum, cuius temporis
voluntas te nititur stabilire servum. Et dixit: magni cordis
est qui non concipit ex paupertate gravamen. Et dixit: bonorum
morum est quicumque malorum morum alium pati potest. Et
dixit: habens bonas virtutes substantialiter nobilis est, et, si actualiter
habet, facit se nobilem cum non sit. Et dixit: salvus
est qui regibus in fidelitate et cum pietate populo servit, nec
statum in quo est decipit eum, nec propter malum desperat aliquatenus
quo gravatur. Et dixit: moderata verecundia facit hominem
amittere quod competit sibi minus, superflua facit
omitti quod competit, sed diminata et modica aliquid quod non
competit cogit invadi. Et dixit: consulas in negociis equalem
tibi quia ipse maxime intelligit quod opus est tibi. Et dixit:
non molesteris erga dominum si de omnibus suis negociis
tibi non incumbit, nec per te sua manutenentur agenda. Et dixit:
cum inimicus tuus ad posse tuum pervenerit, de inimicorum
tuorum numero exiit et sociorum consorcium est adeptus. Et dixit:
boni quando aliquid petunt ab aliquo et conceditur eis, sciunt
pro eo retribucionem impendi debere, quare reputant ad terminum
tantum emptionem fecisse, et obligatos existere ad solvendum;
et cum non conceditur eis, propterea non cogitant nec
irascuntur contra illos qui non concesserunt eis, sicut accidit
homini qui non cogitat super eo quod voluit emere et non emit;
mali vero non similiter se habent, quia propter id quod conceditur
non putant retribucionem impendi debere, et ideo contra
illos indignantur qui sibi non donant, quia perdunt donaria que
exolvere non disponunt. Et dixit: inimici sunt aliquando utiliores
amicis, eo quod inimici sua aperinut vicia, a quibus propterea
|
|