Guido de Columnis: Historia destructionis Troiae

Pag 45


presens ystoria non obmittit. Filiarum autem prima vocabatur
Creusa. Hec asseritur Henee fuisse coniugem. Quem Heneam
in Venere concepit Anchises, de quo multa presens narrabit
ystoria et de quo Virgilius post magne Troye casum in suorum opere
Heneydorum multa describit. Secunda uero vocabatur Cassandra,
que, licet uirginea honestate polleret, in liberalibus
artibus plus pollebat, habens notitiam earundem et scientiam
futurorum. Tercia autem et vltima vocabatur Pollixena, puella
mire pulcritudinis et speciositatis immense. Preterea idem rex
Priamus xxx filios naturales habebat ex diuersis mulieribus sibi
quesitos, equestri dignitate conspicuos et fortissimos bellatores.
Qui sunt hii:Odinal, Anthonius, Exdron, Deluris, Sinsilenus,
Quintilienus, Modenius, Cassibilans, Dinadaron, Dorascarus,
Pytagoras, Cicinalor, Eliastras, Menelaus, Ysidorus, Carras,
Celidomas, Emargoras, Madian, Sardus, Margariton, Achilles,
Fanuel, Brunus, Mathan, Almadian, Dulces, Godelaus,

Torna all'inizio