supplico, quatinus obstetricem vestram dexteram porrigatis eidem,
ut in curandis indigencie sue vulneribus alterum Samaritanum vos invenire
letetur, et ut de dolorum suorum fluctibus flante vestre subventionis
aura gratifera possit ad litus pervenire quietis, et restaurationis pregustata dulcedine suum valeat studium integrare, vivaciter saciabiles fructus desiderantibus
allaturum.
Rescriptiva. Hoc re vera cotidie manifestis indiciis evenire
sentimus, quod curtum sperans et indeficientem habere succursum
lora securius laxat in hostes, et cum interdum non cogitat reditum
invenire difficilem, cespitat in laqueum quem tetendit. Quippe significasti
michi quod... nepoti meo compateris propter plura que tuis litteris inseruisti
gravamina pregravato, quod ob conditionem sui status
exilem satis credere possum. Sed licet volatilis fame garrulitas plerumque
referat vacua veritate, rei substantiam aliquando nudam eructuat postmodum
adventancium publicatione firmatam. Ecce nepos
meus indubitanter spem de mea subvencione concipiens folliculum sibi
concesse facultatis exivit, sic expensis lora relaxans quod alter Gallus urbanitatis preconiis haberetur. Sed certe certe sibi vires ad
multa toleranda non suppetunt, qui cotidie cogitare deberet quod onus intolerabile parat occasum, et quod sarcina si moderata fuerit non offendit.
Caveat ergo sibi ne tantum emunxerit ubera, quod sanguinem post butirum
eliciat, factus discipulus ex magistro.
182. Deprecatoria generalis ad dominum. Satis et ultra spei concepte.
Rescriptiva. De gratia tibi servire non possumus.
183. Devotus ad dominum quod scribat statum suum. Novit Altissimus
quod anima mea.
Rescriptiva. Exquisivisti tuis litteris de mea.
184. Ad quendam quod manuteneat iura dilecti. Scimus ex vestre probitatis industria. Rescriptiva. Postulantibus quibuscumque iusticiam nos debitores.
185. Recommendatio pro quodam ad quendam qui adversarium fovere videtur. Spem plenam de vobis hactenus.
Responsiva quod assentiet precibus in hiis que poterit. Si rogatus
porrectas preces.
186. Ad potestatem quod compellat quendam suum civem ne molestet quendam super possessionibus suis iniuste. Inopinatam rem nobis evenire sentimus. Rescriptiva. Quoniam ab aliquo non infertur iniuria.
187. Amicus ad potestatem quod diligeret famam bonam et servet iusticiam.
Eo forcius amicum amici
fama.
Responsiva quod iusticiam diligit et famam bonam. Amoris integritas inter nos.
188. Preces ad illum qui ignotus est. Non convertatis in tedium.
Responsiva. Michi preces vestras in gaudium.
189. Ad dominum deprecatoria compendiosa generalis. Ne paternitati vestre pariat series.
Rescriptiva. Non possunt vestre littere parturire fastidium.
190. Recommendat amicus amico fratrem suum. Ob plurimorum serviciorum impendia.
/*
Rescriptiva. Cum ab inicio dilectionis nostre funiculus.
|
|