misericordiam expectantes atque putantes, quod imperator
civitatem intrare subito eis concederet et in ipsa solito more
habitare.
Unde ipse imperator die Lune, que fuit sextus dies ante
kalendas Aprilis, Mediolanum venit cum principibus suis et
Cremonensibus, Papiensibus quoque et Novariensibus atque
Cumensibus et Laudensibus et cum illis de Seprio et de Martesana.
Precepitque Laudensibus, ut portam Orientalem, que
vulgo Arienza dicitur, totam destruerent; Cremonensibus vero
portam Romanam demoliendam commisit, Papiensibus portam
Ticinensem, Novariensibus portam Vercellinam, Cumensibus
portam Cumacinam, illis vero de Seprio ac de Martexana
portam Novam. Qui omnes in tantum ad destructionem
conati sunt, quod usque ad proximam diem dominicam olivarum
tot de menibus civitatis consternavere, quod ab initio
a nemine credebatur in duobus mensibus posse dissipari.
Et, ut vere opinor, quinquagesima pars Mediolani non remansit
ad destruendum. Remansit tamen fere totus murus
civitatem circumdans, qui adeo bonus et de magnis lapidibus
confectus fuerat et quasi centum turribus decoratus, quod,
|
1
5
10
15
20
|