voce clamavit: «He domine», inquit, «meus, si cum
Deo es, sicut credo, preces pro me ad eum funde et oculorum
michi lumen restitue». Et hoc dicto statim illuminatus est.
Nonnulli quoque ęgroti ad eius tumulum venientes redditi sunt
sanitati. Nam et ipsum eius sepulchrum velut multis plenum
aromatibus redholebat. Et ita a Deo meruit honorari
post mortem qui pro eius amore, dum viveret, carnalium parentum
sprevit hereditatem.
XXXVIIII. Interea Romualdus, audiens quia beatissimus
vir Bonifatius martyrium suscępisset, nimio desiderii
igne succensus ut pro Christo sanguinem funderet, Ungriam
mox ire disposuit. Interim tamen dum in ipsa intentione
persisteret, brevi tempore tria constituit monasteria: unum
videlicet in Valle de Castro, ubi nunc sanctissimum corpus eius est
conditum, aliud prope Isinum fluvium, tertium iuxta
|
1
5
10
15
|