Guido Faba: Epistole

376


XXXII.
Commissio alicuius cause de prelato ad subditum.
Henricus miseratione divina Bononiensis episcopus dilecto
in Christo fratri archipresbytero Sancti Iohannis in Persiceto
salutem in Christo. In te fore multam prudentiam multamque
legalitatem veraciter cognoscentes, tibi vices nostras cum fiducia
delegamus, in iis que in se iuris et facti continent questiones.
Ideoque tue discretionis examini committimus causam
que vertitur inter tales, tue probitati dantes litteris presentibus
in mandatis, ut visis rationibus utriusque partis et probationibus
diligenter inspectis, causam eamdem, habito consilio
sapientum, iusto iudicio studeas diffinire.
XXXIII.
De civitate ad civitatem pro debito contra scholarem
furtive recedentem.

Ex querela magistri B. repetitoris (di)dicimus, quod M. terre
vestre, paulo ante scholaris Bononie, sue immemor salutis pariter
et honoris, et de futuris non cogitans et de solutione facienda
non curans, cum rebus propriis furtive recessit decem librarum
debitum indebite relinquendo, ad quod tenetur pro duodena,
hospitio, et doctrina. Unde cum hoc tangat non solum
recedentis personam, sed alios eiusdem civitate scholares singulos
dehonestet, vestram magnificentiam deprecamur quatenus
pretexatum velitis compellere ad solvendam pecuniam
memoratam latori presentium, procuratori magistri superius
nominati, qui debitum fore tantum demostrabit legitimis documentis;
alioquin in nostri communis bannum ponemus merito
debitorem.

Torna all'inizio