Guido Faba: Summa de vitiis et virtutibus

Pag 61


signis competentibus Exordia imitantur, que rogatus a sociis composui
studiose occasione remota libenter eorum intendens profectibus
et honori.
18 Si quis forte tam modice intelligentie fuerit ut dubitare ceperit
temptando quesierit que utilitas sit in istis, reuera talis questio grossa
et suppina manifesto iudicio subiaceret, et propter rationes predictas
et alias que possunt innumerabiles assignari, hec sub compendio
dicta sufficiant, quia malum nisi cognitum euitari non potest.
19 Iterum hec faciunt ad moralem scientiam et satiricam reprehensionem
de maioribus ad minores et inter pares locum debitum obtinentes,
non solum in clericis uerum etiam in laicis cuiuscunque
condictionis uel etatis existant.
20 Assumatis itaque singuli studentes et litterati que uestre dilectioni
offero animo gratulanti, scientes quod in his secundum utrumque
hominem uobis honor immensus et euidens utilitas, quam sollicitudo
uestra requirit, dante Domino apparebit.

Torna all'inizio