in intus usque ad castelletum. Et hoc sub poena soldorum quinque
imperialium pro qualibet persona contrafaciente et pro
qualibet planta. Et quilibet fide dignus possit accusare.
CI. – DE NEMORE TENSANDO RETRO PRATUM DE BUSCHO.
Item statuerunt et ordinaverunt quod non sit aliqua persona
vallis diverii quae aliquo tempore anni audeat nec praesumat
incidere aliquod lignamen viride in nemore quod est
retro pratum de buscho de nembro, videlicet a lago de lurione
in intus et a lavancalo de la via in foris et a capite buseni filii
Iacobi infra. Et hoc sub poena soldorum quinque imperialium
pro qualibet persona defaciente et pro qualibet planta.
CII. – DE BESTIIS NON DANDIS IN CURA EXTRA TERRITORIUM
VALLIS DIVERII.
Item statuerunt et ordinaverunt quod non sit aliqua persona
vallis diverii quae de cetero audeat nec praesumat per se
nec per aliquam submissam personam dari seu facere aliquas
bestias videlicet vaccas oves vel capras extra territorium comunis
vallis diverii alicui personae habitanti extra territorium
comunis vallis diverii in cura ad medium seu ad fictum. Et
hoc sub poena amittendi dictas bestias datas in cura ad medium
seu ad fictum extra territorium vallis diverii ut supra.
Cuius poenae tertia pars sit et perveniat curiae materellae, tertia
pars sit et perveniat comuni vallis diverii et tertia pars sit
accusatoris. Et quilibet fide dignus possit accusare.
CIII. – DE INSTRUMENTIS COMUNIS REPONENDIS.
Item statuerunt et ordinaverunt quod consules et credentiarii
comunis vallis diverii in principio sui offici sub vinculo
sui sacramenti teneantur et debeant reponere et reponi
facere libros et instrumenta facta in favorem comunis vallis
diverii videlicet in scrimo suprascripti comunis ad hoc deputato
anno tuuc proximo presenti et ea fideliter servari facere.
CIV. – DE MONTIBUS TENSATIS.
Item statuerunt et ordinaverunt quod omnes personae comunis
vallis diverii habitantes cum suis bestiis postquam exiverint
de alpibus post festum Sancti Bartolomei apostoli debeant
stare et permanere in infrascriptis montibus, videlicet in
Mogaro in colterio et in marzascha tribus ebdomadis in coherentiis
ordinatis in statutis suprascripti comunis et hoc sub
|
|