et IX. Et libra grossa de carne porcina XVIII imperialium
et XX et XXII. Et libra olei olive XX imperialium et II
solidos imperialium. Et pondus casei VIII solidos imperialium et
IX. Et sextarius de faxiolis XX grossos et VII solidos imperialium.
Et omnia alia victualia fuerunt in maxima caristia per totum
dictum tempus, et duravit per duos annos.
De abbate Sancti Prosperi domino Guillielmo de Lupicinis.
Sub eodem millesimo, in mense Iulii, dominus Guilielmus de
Luvisinis factus fuit abbas monasterii Sancti Prosperi de Regio
et confirmatus per dominum legatum, qui erat Placentie. Et positus
fuit in cathedra dictus abbas, die Mercurii XIIIa Iulii. Et
in illa die dictus dominus abbas fieri fecit magnum convivium,
in quo fuerunt clerici et religiosi et omnes boni homines de civitate
Regii. Et die Sabbati secundo exeunte Iulio obiit dominus
Bonifacius de Canusio et sepultus fuit in civitate Regii ad Sanctum
Leonardum.
De rege Anglie domino Oduardo.
Et eodem anno, die XX mensis Maii, venit dominus Odoardus
rex Anglie in civitatem Regium, qui revertebatur de ultramarinis
partibus cum uxore, et hospitatus fuit in palatio domini episcopi.
Et alia die aggressus est iter, ut iret ad partes suas.
Et eodem anno inceptum fuit palatium novum communis
Regii super trebium illorum de Sesso et aliorum casamentorum,
scilicet Ugonis Specialis et aliorum casamentorum coherentium
eidem trebio. Et eodem anno obiit dominus Guido Gaius de
Robertis et sepultus fuit ad ecclesiam fratrum Minorum.
|
|