Frater Iacobus de Varagine de ordine Predicatorum, archiepiscopus
octavus, cepit anno Domini .Mo.CCoLXXXXII. et
vivet quantum Deo placebit. iste per dominum Nicolaum
papam quartum, qui fuit de ordine fratrum Minorum, archiepiscopus
est creatus, qui quidem papa ipsum per suas literas ad suam
presentiam vocaverat ut sibi munus consecrationis impenderet et
pallium sibi daret. sed cum ille Romam in dominica de
Ramis palmarum intrasset, reperit ipsum summum pontificem
gravi et periculosa egritudine laborantem, ita quod in Parasceve
animam Deo reddidit et, sicut credimus, in celeste palacium
|
|