maritum: «Viro et domino pre cunctis metuendo B., C. devotissima
eius uxor» vel «fidelissima, salutem cum perpetue
dilectionis costantia.»
XXXII.
De imperatrice ad reginam.
«A. Dei gratia Romanorum imperatrix et semper augusta,
G. eadem gratia illustrissime regine Francorum salutem
cum desiderabilis prosperitatis augmento.»
XXXIII.
De consanguinea ad consanguineam.
Consanguinee sic se salutant: «B. pulcritudine ac morum
elegantia plurimum decorate, M. uxor talis salutem cum plenitudine
gaudiorum.»
XXXIV.
Ad dominas et mulieres sic scribitur ante factum.
«Nobili et sapienti domine, vel nobilissime ac sapientissime
domine B. duchisse Austrie, vel A. marchiane Estensi, vel
comitisse Campanie, capitanee vel valvassorisse» vel «tali domine,
forma et morum et elegantia decorate» vel «forma et sensu plurimum
relucenti, V. se ipsum totum» vel «quicquid sibi» vel
«quicquid poterit» vel «si aliquid valet salute pretiosius
inveniri» vel «salutem cum fidelissimo servitio» vel «salutem
et quicquid fidelitatis et servitii potest».
|
|