Muster aus dem dritten büche.
1) Aus dem titel de hiis qui protectiones implorant:
Mediolanum se pape conmendat et suadet contra Phylipum.
Urbs Mediolanum, que pre cunctis mundi civitatibus
in ecclesie romane obsequiis devotius permanet et permansit,
se vobis tanquam patri precipuo reconmendat, et
vestre audet consulere sanctitati ut reducentes ad memoriam
crudelem et nocivam rubri Frederici prolem in laudabili
proposito firmius persistatis, quia si contingeret prevalere
Philippum repercuteret altera plaga priorem.
Profecto non degenerat qui speciem trahit a genere.
nec est credendum quod dulcescat absinthium, nisi naturalis
conplexio mutaretur.
Sane bonum est, et a coequalis meriti tramite non
discordat, ut inter Allamannos discordia foveatur, quia
tempore scismatis romanam fecerunt ecclesiam diutius
vacillare.
2. Aus dem titel de accusacionibus legatorum
die beiden schlusskapitel.
De falsariis.
Infelix abbas de Marmoreto bullas romane curie cum
subtili subula perforavit, et cum acu subtilissima filos adulterinos
inmittens cum ligneo malleo interposito filtro planificavit
bullas quas falsis litteris inprimebat.
Fecit etiam cinericium, de cuius artificio tutius est
silere, et per ipsum bullas papales, monetas omnes, et sigilla
quelibet faciebat. nec inveniebatur in uno puncto delictum.
De sophysticacione depositi.
Samnus monacus antequam esset pirrata religionem
fictitiam simulabat. in claustro nempe, in quo habitum
monachalem recepit, sublato alfabeto conmuni mille marcarum
depositum cum stagno sophistico alteravit, et abbati
facinus totum ascripsit, et elapso tempore illam peccuniam
et tesauros ecclesie asportavit.
|
|