Arnulfus Mediolanensis: Liber gestorum recentium

215


offendit graviter cives, precipue milites pre occulis habentes,
quod quidam Romanus ait tyronibus: Servi empti ere
dura ferre non possunt dominorum imperia, nedum vos
Quirites.
10. Unde factum est, ut simul diebus aliquot extra urbem
exeuntes suam sibi iurarent magna plebis cum parte iustitiam
et sancti Ambrosii honorem ac dono regis accepturos sese
pastorem. Cumque ingrederentur communiter urbem,
Arlembaldus ut semper consortis inpaciens astantibus sibi
concionabatur more suo. Ut vero cohibere furorem ultra non
valuit, facto cum suis impetu et clamore festinanter arripit
arma, vexillum, quod sancti Petri dicebat dextra gerens.
Econtra cives dum parte surgunt ab omni, armatus prorupit
in medium. Quem in momento ac prima fronte belli tanta
adversariorum oppressit incursio, ut nichil memorabile possit
ab illo fieri. Ubi vero circumventus est undique, illico crebris

Torna all'inizio